Wikang Filipino'y tunay na dakila't marangal
Pinagpipitagan saan mang sulok ng bayan
Haligi ng pagkakaisa at katiwasayan
Dangal ng lahing Pilipino at mayamang kasaysayan
Tagalog ang hari ng mga dayalekto
Sandigan ng batayang wika ng mga Pilipino
Nagbuklod ng diwang makabayan sa katagalugan
Maipamalas ang dakilang layuning makamit ang kalayaan
Cebuano ang ilaw sa kabisayaan
Pundasyon ng matatag na pagkakakilanlan
Nagkaisang yakapin ang katolisismong may kabanalan
Pinahalagahan ang pananampalataya sa Poong Maykapal
Maranao ang tinig sa kamindanawan
Pagkakaisa'y ipinamalas ng may kahusayan
Binigkis ang mga bayan sa sining at panitikan
Kultura'y pinayabong ipinagmalaki sa mga dayuhan
Ang yamang tao'y simbolo ng pagkakaisa
Magkakaiba man ang paniniwala'y nais pa ri'y sama-sama
Dakilang layuni'y nasa tamang pagpapahalaga
Kaya nakamit ang kaunlaran ng bansang Pilipinas at nakilala