Pakinggan mo ang daing g Samabayanan
Mga munting tinig ng kawalang-katarungan
Damhin mo ang paghihirap ng mga pagal na kaluluwa
Na pinagkaitan ng hustisya at kawalang pag-asa.
Pagmasdan mo ang paligid na may badya ng karahasan
Nakakatakot na katahimikan tila walang katiyakan
Anino ng kasamaan dala’y pag- aalitan
Kailan kaya makakamtan pangarap na kapayapaan?
Sumisigaw ang damdamin katarungan nawa’y kamtin
Pagkakaisa ng Sambayanan, igawad Mo Poong butihin
Ang boses ng Sambayanan sa wika’y ipinahahayag
Hustiya ay mamamayagpag, bukang-liwayway mababanaag.
Bilang isang lahing pinagpala ng Maykapal
May wikang makapangyarihan, tinig ng bawat mamamayan
O bayan ko gumising ka para sa katarungan at pagkakaisa
Katatagan sa iyong puso, kalasag ng bayang aba!
Tayong lhat hinahamon ng ating bayang mahal
Wikang Filipino dapat nating ikarangal
Ikaw, ako tayo dapat manindigan
Upang makamit natin pagkakaisa’t katarungan!
Iyong palayain ang nakagapos na puso
Muling pag-alabin wikang itinatago
Iparining mo sa bayan ang wika ng ating lahi
Wikang Filipino, wikang mahal ating ipagbunyi!