Sintang Wikang Filipino!
Pakinggan puna ko
Matataas nating politiko
Wala ng pagpapahalaga sa iyo
Pagbabanta sa kapwa, puro panlilito
Sa bibig nila’y namumutawi kasiraan at pagkanulo
Bakit boses ng bayan
Sa ngayo’y inuuna ang sariling kapakanan?
Wala ng pag-amin sa ginawang kasalanan
Ginagamit na lebel ng wika’y masasalamin
Uri’ t antas, tila sa mangmang
Wala na ring kahihiyan!
Hindi ba’t wika ng Bayan
Sa simula’y nagbigay kasarinlan
Ipinapamalas ang pagmamahalan
Kaya nga madali mo napaibig
Pangulo buhat sa timog katagalugan
Pagkakaisa ang iyong hatid at tinig
Sintang Wikang Filipino!
Hatid mo’y demokrasya
Hindi pagbanta, pagmumura at pag-aalipusta
Ngunit, kahit di mo gusto, pipi ka na sa kolehiyo
Ganon din ang wikang sinuso!
Sa kabataan masisilayan ang epekto
O giliw naming kabataan
Huwag maging sutil!
Nasaan ang iyong pagpipigil?
Ilagay sa tamang lugar ang iyong gigil
Tamang wika sa social media piliin, huwag itigil
Pagmumura’y buhay ang kinikitil.
Pinahintulan, ginawang karaniwan
Mag salitang di angkop sa tainga ng kabataan
“Landi” “bembang” at “p-ina” ang sakit sa tainga!
Huwag ipangkomento sa social media
Di ba’t Wikang Filipino magalang at marespeto?
Sumasalamin din “po at opo” sa mga Filipino!
Kamay ng timbangan
Panatilihin sa panig ng katapatan
Sa mata ng kabataan, ilunan ang paggamit muli
Wikang Filipino na mapagkandili
Huwaran, may katarungan palagi at may disiplina
Upang bansa dahil sa kanyang wika, nagkakaunawaan, nagkakaisa.