I
Mula nang isilang sa mundong ibabaw
Ang bawat nilalang ay may wikang taglay
Magmula sa Luzon, Visayas, Mindanao
May taal na wikang sa atin ay buhay
II
Sa bandang Hilaga nar’yan ang Iloko
Sa dakong Kanluran ay wikang Ilonggo
Bumaba sa Timog naroon ang Tagalog
Sa Silangan nama’y Waray ang hinubog
III
Iba’t ibang lingo, iba’t ibang tao
Kaysarap pakinggan ‘pag maraming kwento
May pagkakaisa, may iisang ritmo
Patunay ng isang lahing Pilipino.
IV
Nang minsang subukan, sa mga paaralan
Sumuloy ang diwa’t dugong makabayan
Binagtas pabalik, tunay na tahanan
Wikang katutubo’y lalong pinagyaman
V
Natutong bumasa sa likas na wika
Nakalikha ng awit, sanaysay at tula
Mga titik at letra’y tunay na nahasa
Maging sa pagbilang, natuto nang kusa!
VI
Marahang marahang muling nasasambit
Pag-unlad ng bata’y muling nakakamit
Sa mga kaguruang, Inang wika’y gamit
Inyong dedikasyon ay walang kapalit.
VII
Katutubong wika’y, sumabay sa alon
Tinindig ang diwang binigkis ng puhon
Gamiting mahusay, patuloy yumabong
Dalangi’y pag-usad, dasig at padayon!