Kinagisnang Wika, Wikang Filipino
Hindi maaalis sa puso ng bawat tao
Ngunit ngayon ako ay nalilito
Wikang Filipino tila ba naglalaho
Naglalaho sa puso ng ating mga kababayan
Mas pinahahalagahan wikang tinuro ng mga dayuhan
Dahil sa ibang bansa lubos itong naiintindihan
Pati ng matataas na taong kailangang pantayan
Wikang Filipino’y napagkakalimutan
Dahil wikang Ingles mas kinagigiliwan
Kung magaling ka rito’y ikaw ay hahangaan
Matalino kang ituring parang katastaasan
Ngunit marami pa din ang di pabubuwag
Wikang Filipino tiyak ko’y namamayagpag
Mga taga ibang bansa’y pilit itong hinahayag
Saya sa mukha’y mababakas sa tuwing ito’y mabibigkas
Sa puso ng bawat Pilipino hinding hindi mabubura
Pagkat ito ay bahagi na ng ating kultura
Sa mga ninuno ito pa ay minana
Sumasalamin sa bansa, sadyang ito ay mahalaga
Ipagsigawan sa ibang bansa
Filipino ang ating Wika!
Hinding hindi mawawala
Ipagmalaki mo, Pilipino ka!