Hanggang ngayon ako'y nananalayta'y
Sa ugat at dugo ng aking mga ninuno
Namuhay man sa modernong panahon
Nanatiling buhay ang aking nilalayon
Nakagapos man sa kasalukuyang lipunan
Wika'y naging sandata upang makilala
Sa pakikipagbuno, at pakikitungo
Wikang Filipino ibigin natin ng totoo
Ito’y repleksyon ng mayamang kultura
Saan mang sakop literatura’y kinikilala
Pag -alala ng ating pagkakilanlan
Kaya't bawat saltik ng ating dila’y
Laging may pagninila'y
Kaya heto ako ngayo'y patuloy na nanaghoy
Sa lilim ng punungkahoy
Tradisyun ay panatilihin
Kapwa Pilipino'y gisingin
Lupang sinilangan ating ibigin
Taas noo ko'y pinagmamalaki
Kung saan ako lumaki
Wika'y makapangyarihan
Sa aking bansang pinanggalingan
Ito’y maituturing ating panitikan isa na dito ang dayalekto
Sinuri at pinag aralan ng mga pilosopo at teoritiko
Nagmula pa sa Griyego
Ang mga bantog na si Aristotle at Plato.
Inunawa ang mga simbolo at konteksto
Patunay at patnubay bilang gabay para matuto
Kaya ngayon nagkaroon tayo ng kamalayan
Natuto at naging eksperto
Komisyon ng Wikang Filipino
Itinuturing lupong at tagapagmahala wikang nabuo
Patunay lamang na umuusbong at yumayabong
Ang wikang pamana ng mga katutobong nagpayabong
Halina't damhin ang simo'y ng mayamang kultura
Ito'y pag aari natin na kailanma’y hindi na mabubura