I
Marahil sa mga oras na ito ika’y may agam-agam
Paano gagamitin, paano iingatan?
Ngunit sa totoo’y hindi na dapat pag-isipan
dahil ito ay atin, kaya’t nararapat parangalan!
II
Ano man ang iyong antas, at pinag-aralan
Saang dako man ang iyong pinagmulan
Hangga’t dugo mo’y Pilipino’t tunay
Wikang Filipino’y, itanghal at isabuhay!
III
Gawin ang lahat ng paraan at makakayanan
Gamitin sa araw-araw ng walang alinlangan
Sa salita, sa gawa at sa pakikipagtalastasan
Sapagkat wika ang ugat ng ating pinagmulan
IV
Sa bawat salita’y may pusong bitbit,
May dangal, kultura at aral na sambit
Huwag hayaang mamuhay ang pait
Ipagmalaki, at mahalin ng buong init!