Sa bawat himig at tinig na may dangal
May siguradong bukas ang magtatagal
Bawat salitang tapat na ating binibigkas
Bayan natin ang higit na mabibigyang-lakas
Wika'y tulay, konektado sa isip
Panday ng kinabukasan ang masisilip
Wika ng pag-asa ang pinipili
Hustisya sa isa't isa ang mananatili
Katarungan lamang ang dapat na umiral
Siguradong kapayapaan ay magtatagal
Isa tayo na kabataan ang dapat magdasal
Na sa ating inang bayan iparamdam ang pagmamahal
Tinig at boses ng bayan ating pakinggan
Hustisyang nararapat huwag pigilan
Mga palamuti hindi kinakailangan
Kung ang tanging dulot ay kapahamakan
Lagpas na tayo sa salot ng lipunan
Hahayaan pa ba na mawala ang kalayaan
Ngunit sino nga ba ang may tunay na pananagutan
Sa dating masigla, ngayon puno ng takot na inang bayan
Bago maubos ang tinta ng aking pluma
Suriin natin ang tunay na sistema
Ramdam pa ba ang pagtataguyod ng hustisya?
O baka naman wala na talagang pagkakaisa!
Kinakailangan ng boses ng bayan
Para mailabas ang tunay na katotohanan
Huwag isadlak ang bayang may kalayaan
Hustisya at pagkakaisa ang kinakailangan.