·
ako lang
nalingkis sa siphayo’t hapis
Sa lupang tinigang at ginumo ng inubang bagwis
landas ng bayang giniyagis sa hapo’t gipit
mulat-ulirat na mukhang balisa sa gawa
ang leproso’y tungtungan ang piniping marmol
sa dusa ng hikbi nitong mga buhay na sawi
Habang namimiyesta itong langaw sa sandali
Hindi ngayon ang panahon ng pagtalikod
pagal na kaakuhan ay muling itukod
nirigor-mortis na mga taon ay unti-unting matubos
lalaban at lalaban kahit na mapaos
Hindi titigil sa pag-alpas
ang mga hamon ng bukas
Sasalubungin nang buong tapang at lakas na
Kasama Kang Babangon!