Kakat’wa ang ating wika,
Kakaunting palit, kakaunting halip,
Kakaiba na ang pahiwatig.
Kaunting pitik, iba na ang himig.
Minsan inakala na patay na ang wikang Pinoy.
Paano ba nama’y,
Kung hindi Ingles ay Koryan Koryan
Ang hilig ng mga iyan.
Sa kabila ng naghihingalong wika,
Kabataan ang siyang nagpanibago.
Bahagyang kulot at kiliti, bali at kurot ng pakaunti,
Huli na muli ang kiliti ng munti.
Sa pag-indayog ng panahon,
Nakikisayaw ang salita, umaayon.
‘pagkat sumsayaw ang nagsasalita,
‘pagkat lumalawak ang balita.
Si Marites na kumare ni inay noon,
Pambansang mosang na ngani.
Napa “E di wow” na lang ang simaron
Napa “Gigil” ang Oxford mandin.
Mapaparang ang lahat
Ang wika ay ‘di papanaw
Magbabagong bihis lamang
At muling lalamang
Yayabong ang Pinoy at ang wika
Yayabang at yayabang ang wika ng Pinoy
Yayabong at sisibol
Sa paraang kung paano sumibol