Sa bawat paglalakbay na aking ginagawa
Sa bawat sandali na ako'y nakikisalamuha
Interkasiyon sa kapwa sa tuwi-tuwina
Napapadali dahil sa gamit kong wika
Lingua francang karamihan ay hinahasa
Sa bahay man, paaralan at kahit saan man
Taglay ang hiwagang dala sa sambayanan
Mahikang nakakahumaling pakinggan
Kulturang nakakaengganyo
Ugaling Pilipino, mahinhin at pino
Puno ng paggalang, po at opo at sumisilang
Pagkamaginoo na sa kalalakihan at dapat pamarisan
Tatak ako, tatak ikaw at tatak tayo!
Pilipino sa diwa, nakatali sa kultura
Anak ng Silangan
Perlas na kumikinang
Napapalibutan ng hiwagang kahali-halina
Diwang makabansa nakatatak sa kultura
Isang tunay na tao, tunay na Pilipino
Kita sa ugali, kilos at gawi ko!