Kapampangan, Pangasinese, Waray, Bikolano
Tagalog, Hiligaynon, Ilokano at Sebuwano
Ilan lamang sa mga wikain na yamang totoo
Tinig, daluyan at salamin ng mayamang kulturang Pilipino.
Wika ay tulay ng pagkakakilanlan at adhikain
Sadyang pinag-isa na may tunguhin
Paniniwala, tradisyon, pamumuhay tangkilikin
Silahis ng pag-asa ng isang salinlahi.
Nakilala ang bansa dahil sa kanyang simulain
Namamayagpag na pangarapin
Nasisilayan dahil sa mithiin
Bawat isa ay may tungkulin.
Ang mga kwento’y nagsilbing aral at karanasan
Kasaysayan na nagbigkis ng kahapon at ngayon
Kabiguan at kagalakan ang naging kalakasan
Ang panambitan ay sinag ng kaliwanagan.
Lunduyan ng bayaning magigiting
Taglay ng nag-uumapaw na kasaganaan
Gaya ng ritwal, sining, pamahiin at pananampalataya
Representasyon at kasaysayan ng sariling Lipunan.
Langit, lupa, araw at buwan saksi’y
Gayun din ang bundok at dagat
Dumaan man ang bawat araw, taon at dekada ng buhay
Ang makulay na kultura ay patuloy na maglalayag.