Taong 2019 ng Disyembre 31, naitala ang kaso ng pneumonia na hindi pa kilala sa Wuhan China
Napagalaman itong outbreak ay dulot ng isang uri ng di pa kilalang coronavirus
Karaniwang natatagpuan sa mga hayop lamang, at sa mga tao noon ay hindi pa nakita
Enero 19 taong 2020, kinumpirma sa Pilipinas ang pagkalat nitong COVID-19 virus
Maraming natakot, hindi dahil sa virus kundi sa dulot nitong kawalang hanapbuhay
Isang malaking dagok sa buhay lalo na sa mga pamilyang may matandang nakaratay
Pero etong si Juan ay tunay na masipag at maabiladad sa kabila ng hirap
Pagtatahi ng facemask at paggawa ng faceshield ay agad hinarap
Mahirap man sa una at talagang tunay na nakakaalarma, di sanay kumbaga
Pagsusuot ng facemask at faceshield, pamalagiang paghuhugas ng kamay ay ipinatupad na
Paglalagay ng plastic barrier sa mg sasakyan, maging sa mga opisina ay agad ding isinagawa
Mga paalala ng pag-iingat sa kalusugan ay talagang makikita kahit saang banda
Maging sa mga establisimento, pampublikong lugar, at higit sa mga paaralan
Safety protocols at lahat ng may kaugnayan sa kalusugan ay talagang hinigpitan
Subalit sa pagtutulungan ng lahat lalo’t higit nang kooperasyon ng mga kinauukulan
Distance learning na paraan ng pag-aaral ay matagumpay na naisakatuparan
Pagkatapos ng masusing pag-aaral, mga tao ay nakinabang sa libreng COVID-19 bakuna
Inunang turukan ang mga frontliners, di naglaon pati ang mga kabataan at mumunting bata
Tunay na nakakahanga, mga gumanap na fronliners at nagsilbi sa oras ng pandemya
Mga kawani ng kalusugan, miyembro ng mga LGUs at iba pang volunteers ay tumalima
Kung iyong mapapansin, etong bansa natin ay nanatiling maunlad at progresibo
Pagkat ang mga mamayang Pilipino, ay ipinagkatiwala sa Diyos ang bawat pagkabigo
Naging matatag kaya madaling nakaangkop sa new normal na gawi ng pamumuhay
Kaya Sulong Pilipinas, lahat ay magpatuloy, ituloy ang buhay at harapin ang tagumpay.