·
Lubid sa bewang ang nakatali
Bigat ng aming hinihila ay hindi mawari
Sa dami ng huli kami ay nagbabakasakali
“Sumisigay” kami, kami na nagpapalaot lagi
Bagyo ay aming susuongin
Hampas ng alon aming haharapin
Upang mga mahal namin ay makapiling
At hahagkan dala-dala mga isdang ginto ang aming turing
Minsan meron, kadalasan ay kaunti
Ngunit hindi susuko at magsisikap palagi
Babangain at papalaot sa kawalan
Maibigay lamang sa mga anak ko magandang kinabukasan
Sa kalupaan ay wala kaming pag-aari
Sa karagatan ay kami ang hari
Ngunit kasama kami sa mga alipin
Alipin ng mga salitang baka meron, baka sakali
Kaya kahit anong lakas ng bagyo
Susuongin pa kahit pandemya
Sumisigay ako na may karangalan sa trabaho
Sumisigay akong laging papalaot at magpapakatao