·
Sandigan kong bayan
Kilatis ng Silangan
Wari bumabangon
Tila lumalaban
Sa isip, salita at sa gawa
Filipino ang syang mapagbanwa
Ihip ng hangin, daloy na maigting
Sa buhay natin kailangang kilalanin
Bagyo man at Pandemya
Pagsubok man at problema
Hindi titinag ang bansa kong panagimpan
Hatid ay pangarap na kaunlaran
Pandemya ka lang, kaya ka namin
Bagyo man at sakuna kahit pauli-ulit
Hindi matitinag ang bayan kong giliw
Lalaban, tatayo at sasalubungin
Kasama ang Poon sa lahat ng ito,
Ako man, ikaw, tayo ay babangon
Hindi basta tutumba sa hamon
Lalaban ng matuwid para sa layon.