·
Ang Pilipinas kong mahal
Tahanan ng mga Pilipino
Bayan ng matatapang
Ito ang lahi ko.
May pusong hindi sumusuko
Sa laban man ng panahon
Tunay na lahing mandirigma
Mula noon hanggang ngayon.
Sinakop man ng dayuhan
Hindi nagpaalipin habang buhay
Sa kalamidad at sakuna
Sa Diyos ay nananalig at naniniwala.
Patuloy na bumabangon
Lumalaban sa kabila ng pandemya
Kahit padapain ang kabuhayan
Titindig at magkakaisa.
Marami mang nawalan ng minamahal
Dahil sa Covid na walang pakundangan
Sama sama natin itong nilabanan
Binalewala ang kalungkutan.
Kaya sa dadaan pang mga panahon
Pilipino ay laging tatayo sa hamon
Sa lahat ng lahi ay pagmamalaki ko
Pagsubok Ka Lang, Pilipino Ako.