Sana nasa mabuti kang kalagayan
Ako pala'y hindi, halata naman
Napanaginipan ko pala ang iyong anak
Si Deskriptib-Correlational na nananapak
Isa pa 'tong si Causal- Komparatib
Dumadagundong aking dibdib
Animo'y salarin, tinutugis sa may talahib
Epekto mo'y hanip, ako'y nabibilib
Kahit sa panaginip, di sila mapigilan
Si Eksperimental, ayaw akong tantanan
Binuhusan ako ng isang sakong abono
Baka raw umangat pa ang antas ng talino
Habol-hiningang namulat sa katotohanan
Sandamakmak na papel nakagugulantang
Buti pa si Malayang barbayol masaya lang,
Di Malayang baryabol, sanaol na lang.
Sila F-test at T-Test, ang kambal ng tadhana
Simula't sapul nakalilito pa rin inyong mukha
Si Mean na inuugali ang pangalan
At si Regression, aatakihin ka ng hypertension
Si Dr. Hypothesis naman sa buhay ay paladesisyon,
Binansagan ngang Asyumera ng Taon
Dinaig pa si Dr. Correlation
Di maitatago mga lihim na relasyon
Gising na ba ako o binabangungot pa?
Sari-saring mukha aking nakikita
Bigla kong naalala
May gagawin pa pala
Ginang, ako sana'y may kahilingan
Oras ng pasahan ay mapahabaan
Sa takdang araw kinakabahan
Wala pang pamagat na didepensahan.