Sa umaga babangon ng maaga maghahanda sa pagpasok sa eskwela
Iiwan ang mahal na supling kapalit ng pagtugon sa tungkulin
Ang maituro sa mga Bata na ang pag-aaral ay mahalin
Sapagkat ito ang pamana mula sa magulang na kanilang maaangkin
Sa bawat klaseng tinuturuan, minamahal sila at pinahahalagahan
Hinuhubog ang kaalaman sa akademiko at maging sa buhay na dapat nilang paghandaan
Wala tayong ibang nais kundi balang araw masilayan
Pangarap nila ay kanilang makamtan
Tunay na mahirap ang maging isang guro di ba?
Sapagkat ang pagmamahal ay nahahati sa dalawa
At kung minsan pa'y ang mag-aaral ay mas inuuna
Sapagkat dama mo ang pinagdadaanan at pangangailangan nila
Ipapaunawa sa anak ang iyong kalagayan
Kung bakit minsan kailangang maguwi ng gawaing pampaaralan
Hinahati ang katawan sa pagtugon sa tungkulin
Habang tinatapos ang mga labahin
Ang trabaho ay di lamang natatapos sa apat na sulok ng kuwarto
May mga paghahanda pang minsan kailangang pagpuyatan mo
Oras at panahon ang inilalaan dito
Sa pagnanais na maibigay ang dekalidad na edukasyon sa inyo
Kung kaya ang di pagtugon ng mag-aaral sa gawain ay may kirot
Sapagkat di niya alam ang sakripisyo at pagod na dulot
Ang oras na inihanda para sa kaniyang pagkatuto
Kapalit ang oras na sana'y inilaan sa mahal mo
Tunay na sa bawat hamon ika'y pagtitibayin ng panahon
Ngunit laging tandaan na ang tanging Pag-asa ay sa Panginoon
Nawa ay bigyan tayo ng lakas sa tungkuli'y laging makatugon
Pagningasin ang pag-ibig sa bayang nais nating maiahon.