·
I
Nakakabingi ang katahimikan
Katahimikan na gustong takasan
Takasan ng may pag aalinlangan
At di alam kung may patutunguhan
II
Ngunit wala itong pupuntahan
Niyakap na ang katahimikan
Sigurado ng walang balikan
Sapagkat ito’y pang walang hanggan
III
Iminumulat ang mga mata
Mga matang ayaw kumawala
Naisin ma’y hindi magawa
Sapagkat wala na ang sigla
IV
Nais na marinig
Nais na makita
Nais maramdaman
Ang muling paghinga
V
Ngunit bawat buhay
Ay iisa lamang
Mas pakaingatan
Ng di pagsisihan